Projekti “e-Twinning”  

European School Education Portal (https://school-education.ec.europa.eu/)  përfaqëson hapësirën digjitale të arsimit, ku të gjitha palët e interesuara në sektorin e arsimit – stafi i shkollës, studiuesit, politikëbërësit ndajnë mendime e politika, gjejnë lajme të reja, intervista, botime, shembuj praktikash pozitive në arsim, si dhe realizojnë për projektet e tyre Erasmus+ me partnerë europianë.

Objektivat e zbatimit të projektit në Shqipëri janë:

1. Promovimi për zgjerimin e komunitetit në nivel kombëtar
2. Zhvillimi profesional i mësuesve
3. Vlerësimi me etiketa të cilësisë në nivel kombëtar e ndërkombëtar
4. Zgjerimi i numrit të shkollave të certifikuara nga EC
5. Zgjerimi i inisiativës ITE në nivel kombëtar

Për më shumë informacion: (https://school-education.ec.europa.eu/)

eTwinning komuniteti për shkollat në Evropë

European School Education Portal (https://school-education.ec.europa.eu/)  përfaqëson hapësirën digjitale të arsimit, ku të gjitha palët e interesuara në sektorin e arsimit – stafi i shkollës, studiuesit, politikëbërësit ndajnë mendime e politika, gjejnë lajme të reja, intervista, botime, shembuj praktikash positive në arsim, si dhe realizojnë për projektet e tyre Erasmus+ me partnerë europianë.

Komuniteti eTwinning është i dedikuar për eTwinners dhe aktivitetet e tyre në ESEP.

Ceremonia e ndarjes se çmimeve eTwinning 2022 – 2023

Ceremonia e organizimit të çmimeve në nivel kombëtar u organizua në dhjetor 2022 në Tiranë. Në ceremoni, mësuesit morën pjesë në projektet më të mira të vlerësuara nga NSO për vitin 2022. Në këtë ceremoni u shpërndanë certifikatat për projektet më të mira. Mësuesit që kishin fituar etiketa të cilësisë në nivel kombëtar dhe europian u vlerësuan me certifikata. NSO ka shpërndarë certifikata për mësues me përvojë dhe për mësues të rinj të angazhuar në projekte. Për secilin grup, 3 çmime të treta u shpërndanë nga NSO sipas niveleve (arsimi parashkollor dhe fillor, arsimi i mesëm i ulët dhe arsimi i mesëm i lartë). Gjithashtu ka dhënë 2 çmime të dyta dhe një çmim të parë të vlerësuar si projekti më i mirë në nivel kombëtar. Ky sistem u përdor si për mësuesit e rinj ashtu edhe për mësuesit me përvojë. Në ceremoni ishin të ftuar edhe studentë të angazhuar në projekte dhe pjesëmarrës në panairin e ideve të organizuar më parë. Nxënësit prezantuan idenë e tyre për shkollën Bauhouse, përmes posterit. Për herë të parë, mësuesit u ftuan me nxënësit e tyre, për të inkurajuar përfshirjen e tyre në projekte. Në të njëjtën kohë, NSO vlerësoi posterin më të mirë dhe shpërndau dhurata simbolike për këta pjesëmarrës. NSO përgatiti një video për këtë event, ku u prezantuan projektet më të mira të mësuesve. Ky event i kushtohet projekteve më të mira të vitit 2022. Në fund të aktivitetit pjesëmarrësve iu ofrua drekë nga NSO, duke qenë se mësuesit janë nga fusha të ndryshme. Të gjithë nxënësit ishin veshur në këtë ceremoni me bluza specifike me logot përkatëse.

Gjithashtu, për vitin 2023, NSO organizoi ceremoninë e ndarjes së çmimeve për mësuesit më të mirë të vitit 2023.

Vlerësimi i mësuesve është bërë nga grupi i ambasadorëve dhe NSO. Mësuesit janë vlerësuar në bazë të pikëve me të cilat janë vlerësuar mësuesit gjatë marrjes së etiketave të cilësisë. Prioritet iu dha mësuesve të vlerësuar me etiketa evropiane të cilësisë. NSO shpërndau tre çmime për vendin e tretë, dy çmime për vendin e dytë dhe një çmim kombëtar për vendin e parë, për kategorinë e mësuesve me përvojë dhe për mësuesit e rinj. NSO shpërndau certifikata për fituesit dhe një “trofe” për secilin fitues.

Në këtë ceremoni u kurorëzuan edhe shkollat që u vlerësuan me etiketën evropiane të cilësisë. Pakoja e përgatitur nga NSO u prit nga drejtorët e këtyre shkollave të cilët ishin të pranishëm në ceremoni së bashku me mësuesit e angazhuar në ESEP/eTwinning.

Ceremoninë e përshëndeti Drejtoresha e Shkollës, Znj. Clotilda Jaupi.

NSO u demonstroi pjesëmarrësve broshurën kushtuar projekteve më të mira të vitit 2023. Në të njëjtën kohë, NSO kishte përgatitur videon e prezantimit të këtyre projekteve dhe logon identifikuese të eventit. Kjo logo u shpërnda për sensibilizimin në rrjetin social Facebook eTwinning Albania së bashku me një formular google të shpërndarë për të mundësuar regjistrimin e pjesëmarrësve. Në ceremoni morën pjesë 72 persona.

Zhvillimi Profesional në ESEP/eTwinning

Në shkurt 2023, NSO në koordinim me ambasadorët e rrjetit eTwinning në Shqipëri, u ofruan module trajnimi për mësues dhe studentë të mësuesisë. Trajnimet u koordinuan nga NSO, e cila hartoi një axhendë përmbledhëse me të gjitha modulet. NSO përgatiti formularin e regjistrimit (formularin Google). Ky formular është shpërndarë në rrjetet sociale dhe përmes zyrave lokale të arsimit.

Ambasadorët e rrjetit eTwinning Albania u ndanë në dy grupe, sipas planifikimit të bërë nga NSO. Secili grup prej dy ambasadorëve përfundoi çdo modul dy herë. Moduli shtrihet në 4 ditë. Fokusi i trajnimit ishte përdorimi i ESEP për realizimin e projekteve dhe integrimi i mjeteve të TIK-ut në këto projekte. Çështjet kryesore të trajtuara janë pjesë e agjendës dhe fokusohen kryesisht në përdorimin e platformës ESEP dhe mjeteve të tjera TIK në arsim. Webinaret u mbajtën online në platformën Zoom. 1294 pjesëmarrës në total. NSO koordinoi procesin e regjistrimit të studentëve mësues dhe ambasadorë.

Seminari eTwining online pë mësuesit e gjuhëve të huaja

Në datat 8-10 dhjetor, NSO organizoi seminarin online për mësuesit e gjuhëve të huaja “ESEP, një dritare e re për bashkëpunimin e mësuesve”. Në këtë seminar marrin pjesë mësues nga Shqipëria, Çekia, Polonia, Libani dhe Qiproja. NSO-ja  koordinoi veprimet me NSO e vendeve të tjera për regjistrimin e mësuesve.

Në tre ditët e këtij seminari, pjesëmarrja ishte aktive. NSO i ndau pjesëmarrësit në grupe online. Seminari u mbajt në Zoom. Lidhja i shpërndahej çdo mësuesi të regjistruar çdo ditë me email. 87 pjesëmarrës.

Vlerësimi për këtë seminar është bërë me Mentimetër. Certifikatat e pjesëmarrësve u dërguan me email.

Seminari ESEP/eTwinning “Headmasters from VET & secondary schools together at European School Education Platform”

Seminari eTwinning në Shqipëri “Drejtorët nga AFP dhe shkollat e mesme së bashku në Platformën Evropiane të Edukimit të Shkollave” u organizua në Berat në datat 27-29 Mars 2023. Në këtë seminar u përfshinë drejtuesit e shkollave të mesme, përfshirë arsimin e mesëm profesional me pak ose pa përvojë fare, për të zhvilluar kapacitetin e tyre për të përdorur ESEP/eTwinning si një platformë bashkëpunuese. Ky seminar u organizua në ambientet e Colombo në Berat. Në këtë seminar morën pjesë mësues nga vende të ndryshme, pjesë e eTwinning, si Sllovakia, Suedia, Bullgaria, Kroacia, Bosnja Hercegovina, Mali i Zi dhe Austria. Qëllimi i këtij seminari ishte të zhvillonte kapacitetet e drejtuesve të këtyre shkollave për ndarjen e përvojave në nivel menaxherial si dhe për përdorimin e platformës së re ESEP (European School Education Platform). Seminari u dha liderëve mundësinë për të qenë pjesë e workshop-eve kushtuar sfidave dhe prioriteteve arsimore sipas Objektivave të Qëndrueshme. Një workshop i ndjekur me interes ishte workshop-i I, i cili kishte të bënte me motivimin e mësuesve për të qenë aktivë në ESEP. Në këtë seminar, drejtuesit ndanë mendimin e tyre në palet, të ndarë në grupe dhe diskutuan mënyrat e motivimit. Gjithashtu, në ditën e tretë të tij, drejtuesit marrin pjesë në seminarin mbi përdorimin e mjeteve të ofruara nga platforma ESEP/eTwinning, si dhe dedikuar përdorimit të mjeteve të ndryshme TIK në arsim. 58 pjesëmarrës

Në këtë seminar, drejtuesit e mësuesve ndoqën përvojat e ndryshme të liderëve me përvojë në eTwinning. Ata u pajisën me të gjitha mjetet e nevojshme, USB, bllok shënimesh, kanta, stilolaps etj. për të lehtësuar ndjekjen e këtyre workshop-eve.

Informacioni i plotë rreth këtij aktiviteti është pasqyruar në faqen:

https://school-education.ec.europa.eu/en/group/headmaster-vet-and-general-schools-using-esep

https://www.facebook.com/etwinningalbania

Seminari ESEP/eTwinning “Rural Teachers from Mediterranean Countries together at European School Education Platform”

Seminari eTwinning në Shqipëri “Rural Teachers from Mediterranean Countries together at European School Education Platform” ” u organizua në Durrës në datat 26-28 shtator. Ky seminar përfshiu mësues të rinj në eTwinning ose me me pak përvojë për të zhvilluar kapacitetin e tyre për të përdorur ESEP/eTwinning si një platformë bashkëpunuese. Ky seminar u organizua në ambientet e Grand Blue FAFA Resort në Durrës. Në këtë seminar morën pjesë mësues nga vende të ndryshme, pjesë e eTwinning, si Spanja, Portugalia, Kroacia, Azerbajxhani, Libani. Italia, Sllovenia dhe Bullgaria. Qëllimi i këtij seminari ishte zhvillimi i kapaciteteve të mësuesve nga vende të ndryshme të Mesdheut për përdorimin e platformës së re ESEP (European School Education Platform).

Seminari u dha mësuesve mundësinë për të marrë pjesë në një workshop kushtuar përdorimit të mjeteve të ofruara nga platforma ESEP/eTwinning. Në të njëjtën kohë, mësuesit patën mundësinë të marrin pjesë në një punëtori workshop përdorimit të mjeteve të ndryshme të TIK-ut në arsim.

Në këtë seminar mësuesit ndoqën përvoja të ndryshme të mësuesve me përvojë në eTwinning. Mësuesit u pajisën me të gjitha mjetet e nevojshme, USB, bllok shënimesh, kanta, stilolaps etj. për të lehtësuar ndjekjen e këtyre workshop-eve. Seminari u organizua në tre ditë (26-28 shtator). Në seminar morën pjesë 76 mësues. Informacioni i plotë rreth këtij aktiviteti gjendet në faqen:

https://school-education.ec.europa.eu/en/group/rural-teachers-mediterranean-   countries-together-european-school-education-platform

https://www.facebook.com/etwinningalbania

Seminari kombëtar ESEP/eTw i dedikuar arsimit parashkollor dhe atij fillor

Seminari Kombëtar eTwinning: “Mësuesit e arsimit fillor mësojnë me eTwinning”, u organizua në Tiranë në datat 9-11 shtator. Ky seminar përfshiu mësues të rinj dhe parashkollorë të rinj në eTwinning ose me më pak përvojë për të zhvilluar kapacitetin e tyre për të përdorur ESEP/eTwinning si një platformë bashkëpunuese. Përzgjedhja e këtyre mësuesve u bë nga mentorët, të cilët ishin të ftuar në këtë aktivitet së bashku me ta. Synimi ishte që mentorët të luanin njëkohësisht rolin e tyre, duke krijuar projektet e para në partneritet me ta. Ky seminar u organizua në ambientet e hotel Orkidea në Tiranë. Aktiviteti u organizua në dy ditë, në vend dhe online. Për herë të parë, mësuesit e arsimit fillor ishin së bashku me mentorët e tyre, në një proces të drejtpërdrejtë mentorimi. Qëllimi i këtij seminari ishte zhvillimi i kapaciteteve të mësuesve të arsimit fillor dhe parashkollor, për të qenë pjesë aktive e përdorimit të platformës së re ESEP. Mësuesit morën pjesë në workshop-in kushtuar përdorimit të mjeteve të ofruara nga platforma ESEP/eTwinning. Në të njëjtën kohë, mësuesit patën mundësinë të marrin pjesë në një workshop kushtuar përdorimit të mjeteve të ndryshme të TIK-ut në arsim. Në këtë seminar mësuesit ndoqën përvoja të ndryshme të mësuesve me përvojë në eTwinning. Mësuesit u pajisën me të gjitha mjetet e nevojshme, USB, bllok shënimesh, çanta, stilolaps etj. për të lehtësuar ndjekjen e këtyre seminareve. Për më tepër:

https://school-education.ec.europa.eu/en/etwinning/rooms/mentoret-e-komunitetit-etwinning-al

https://www.facebook.com/etwinningalbania

Konferenca Kombëtare ESEP/eTwinning

Konferenca dyditore “eTwinning, një dritare drejt integrimit europian në fushën e arsimit”, u organizua si një event hibrid nga Shërbimi Kombëtar, në datat 7 dhe 8 dhjetor në ambientet e Piazza-s.

Kjo konferencë kishte për qëllim të bashkonte mësuesit dhe drejtuesit e shkollave të angazhuara në komunitetin ESEP/eTwinning.

Qëllimi i konferencës ishte shkëmbimi i përvojave të mësuesve të angazhuar në këtë komunitet. Por në të njëjtën kohë, konferenca mblodhi edhe përfaqësues të zyrave arsimore lokale, të cilët diskutuan dhe ndanë mendime për zgjerimin e këtij komuniteti dhe format e mbështetjes për mësuesit.

Konferenca synonte të angazhonte mësues dhe drejtues të rinj për të vlerësuar nga afër përfitimet e mësuesve në këtë komunitet.

Në ditën e saj të parë, konferenca u angazhua në dy çështje kryesore:

së pari në rolin që luan komuniteti në zhvillimin profesional të mësuesve. NSO ndau me pjesëmarrësit çështje të reja për diskutim:

– Cilat trajnime të ofruara në komunitetin ESEP/eTwining janë më të vlefshme për mësuesit dhe drejtuesit, trajnimet afatgjata, trajnimet afatshkurtra, trajnimet në internet/në vend, seminaret ose seminaret që janë pjesë e konferencave

– A mendoni se trajnimet e ofruara nga NSO kanë ndikuar në zhvillimin e kompetencave të qëndrueshme të TIK-ut tek mësuesit tanë. Jepni argumente dhe ndani përvojat.

– Si mendoni se mund të monitorohen trajnimet online të ofruara në kuadër të ESEP/eTwinning dhe si mund të rishikohet vlerësimi i tyre në nivel kombëtar me kredite

Ka pasur shumë diskutime në këtë drejtim. Në të njëjtën kohë, mentorët e komunitetit eTwinning patën një rol të veçantë në ditën e parë, të cilët ndanë përvojat e tyre në rrugëtimin si mentorë, për zgjerimin e këtij komuniteti.

Në ditën e dytë, NSO kishte konceptuar një axhendë të fokusuar në dy punëtori me tema të rëndësishme për mësuesit tanë:

– Politika evropiane e privatësisë

– Kriteret e vlerësimit për projektet cilësore

Pjesëmarrësit i ndjekin këto punëtori me interes. Gjatë ditëve, NSO, i mbështetur nga ambasadorët e komunitetit ESEP/eTwinning, përdori shumë mjete si Mentimetër, Answergarden dhe Kahoot për të vlerësuar opinionin e pjesëmarrësve.

Në konferencë morën pjesë 121 pjesëmarrës së bashku me ambasadorë dhe anëtarë të shërbimit kombëtar. NSO ka shpërndarë në rrjetin social Facebook njoftimin për pjesëmarrje dhe ka shpërndarë formularin e Google për regjistrim. Janë pranuar gjithsej 268 aplikime nga të cilat janë përzgjedhur 150 pjesëmarrës. NSO u koordinua me zyrat lokale të arsimit për të njoftuar mësuesit.

Si pjesë e integrimit në programin Europian Erasmus+, për Edukimin, Trajnimin, Rininë dhe Sportet, Ministria e Arsimit dhe Sportit ka përfituar një grant, duke u bërë në këtë mënyrë aktualisht partnere e  e-Twinning – Komuniteti online i shkollave në mbarë Europën.

eTwinning promovon bashkëpunimin e shkollave në Evropë nëpërmjet përdorimit të Teknologjive të Informacionit dhe Komunikimit duke ofruar mbështetje, mjete dhe shërbime për shkollat.

Portali eTwinning (www.etwinning.net) përfaqëson një platforme unike të bashkëveprimit të mësuesve në projekte nxitëse dhe inovatore. Portali nxit nxënësit, mësuesit dhe drejtuesit e shkollave, të krijojnë projekte, të shkëmbejnë ide dhe të perhapin praktikat më të mira ndërmjet tyre, duke ndjerë të jenë pjesë e komunitetit me nxitës në Europë.

I krijuar në vitin 2005 si veprimi kryesor i Programit të Mësimit Elektronik të Komisionit Evropian, eTwinning numëron sot në gjithë kontinentin Evropian 269,593 mësues dhe 128,352 shkolla që zhvillojnë projekte bashkëpunuese dhe ndajnë ide.

MASR fton mësuesit te anëtarësohen në komunitetin online e-Twinning dhe të jenë pjesë aktive e këtij progami.

Ceremonia Festive e Vleresimit me Cmime te projekteve eTwinning

Ceremonia festive e vleresimit me cmime ne nivel kombetar per projektet me te mira eTwinning, mblodhi bashkë në një mjedis festiv rreth 78 mësues, të cilët shijuan së bashku edhe një prezantim dinjitoz të profileve të mësuesve të angazhuar realisht në projekte.

Kjo ceremoni u përshëndet nga drejtori i Drejtorisë Kombëtare të Arsimit në nivel kombëtar, z. Hodaj. Ai gjithashtu ka identifikuar edhe njëherë ndikimin që ka eTwinning në ecurinë e mësuesve drejt metodologjive të reja në arsim. Ceremonia u përshëndet gjithashtu nga një nga ambasadorët eTwinning në Ukrainë, Natalia, e cila u ftua nga një nga mësuesit e vlerësuar me çmimin përkatës. Kjo mësuese ishte partnere në projektin e vlerësuar, së bashku me këtë ambasador. Natalia vlerësoi organizimin e ceremonisë nga Shërbimi Kombëtar, por në të njëjtën kohë vlerësoi angazhimin e mësuesve shqiptarë në projekte të përbashkëta. Në të njëjtën kohë, ajo kërkoi bashkëpunim të mëtejshëm me rrjetin e ambasadorëve tanë.

Fituesit shprehën emocione në momentin e vlerësimit të projekteve të tyre. Njëkohësisht në këtë ceremoni u shpërndanë edhe vlerësimet për shkollat që u kurorëzuan si shkolla eTwinning për vitin 2019. Drejtuesit e këtyre shkollave shprehën vlerësimet e tyre për mësuesit e angazhuar në projekte dhe për proçesin në tërësi.

Ceremonia u organizua në ambientet e Hotel 2 Guitars në Durrës. Gjatë ceremonisë u vlerësuan  me çmime mësuesit të cilët kanë përvojë të konsiderueshme në implementimin e projekteve ku u dhanë 3 çmime respektivisht për grupmoshat 7-11 vjeç, 12-15 vjeç dhe 16-19 vjeç, si dhe për mësuesit me pak përvojë në projektet eTwinning.

https://www.facebook.com/etwinningalbania/

eTwinning Seminar for kindergarten and primary schools teachers Albania 6-8 May

Seminari u zhvillua në datat 6-8 Maj në hotel Leonardo në Durrës. Seminari ishte një oportunitet për mësuesit e ciklit fillor dhe mësuesit e arsimit parashkollor dhe u dha  mundësi këtyre mësuesve të njohin nga afër cfarë eTwinning ofron, si të bëhen pjesë e këtij komuniteti, si të përfitojne nga eksperiencat e mësuesve të tjerë në lidhje me implementime të projekteve të ndryshme.

Mësuesit fituan eksperienca në drejtim të konceptimit dhe implementimit të projekteve, njohën partnerë të rinj dhe patën mundësi të zhvillimit të kompetencave për përdorimin e teknologjisë së informacionit.

Aktiviteti zgjati 3 ditë dhe ne te morën pjesë 72 mësues nga Shqipëria dhe Kosova.

Në ditën e parë të aktivitetit, performuan përpara mësuesve eksperiencat e tyre  në eTwinning, 5 mësues te profilit fillor e të mesëm të ulët si dhe atij parashkollor, nga zonat Kucovë, Tiranë, Elbasan. Ata ndanë me pjesëmarrësit aspekte të projekteve të realizuara me nxënësit e tyre në vite. Po në ditën e parë mësuesit pjesëmarrës u bënë pjesë e një aktiviteti të  tipit “ice breaking activity”, me përdorimin e Kahoot dhe video montazhit, si pikënisje për vijimësinë  e përdorimit të hapësirave që teknologjia ofron.

Në ditën e dytë të aktivitetit, mësuesit u përqëndruan në përdorimin e eTwinning live, duke u fokusuar tek:

– si të bëjmë kërkime në eTwinning live

– si të zgjedhim një partner

– si t’i bashkëngjitemi një projekti

– si të krijojmë një projekt si lider dhe hapat deri në pranueshmërine e tij nga Shërbimi Kombëtar

Më pas mësuesit pjesëmarrës përdorën Padlet – në kuadrin e organizimit të Panairit të ideve, si hap i parë drejt konceptimit të projeteve të përbashkëta.

Në darkë pjesëmarrësit shijuan traditat kombëtare në qytetin historik  të Beratit.

Në ditën e tretë të këtij seminari, mësuesit pjesëmarrës, të ndarë në grupe dhe të mbështetur nga rrjeti i ambasadorëve në vendin tonë, krijuan projektet e para të lidhura me temën e vitit “Democratic participation”. Këto projekte u bënë aktive nga Shërbimi Kombëtar dhe çdo grup prezantoi nëpërmjet flipchart-eve pikat kryesore të fokusit të këtyre projekteve.

https://www.facebook.com/etwinningalbania/

Round Table me Drejtore te shkollave per promovimin e eTwinning School Label

Ne datat 12 dhe 13 Prill u organizua ne Tirane eventi i promovimit te etiketes se cilesise se shkollave.

Ne event morren pjese Drejtues te shkollave te Drejtorise Rajonale Tirane Qytet dhe Durrës, te cilet se pari u njohen me kushtet qe shkollat duhet te plotesojne per te qene gati ne procesin e aplikimit te tyre per te fituar titullin si eTwinning school. U demostrua fakti qe te pakten dy mesues te nje shkolle te pakten per dy vjet duhet te demostronin aktivitetin e tyre ne platforme dhe njekohesisht u prezantuan perpara Drejtuesve politikat qe shkolla duhet te ndjeke ne drejtim te angazhimit aktiv te mesuesve ne projekte kurrikulare dhe ne drejtim te perdorimit te internetit te sigurte.

Drejtuesit u njohen nga afer me platformen eTwinning dhe perfshirjen e mesuesve shqiptare ne kete komunitet online. U ritheksua ne takim ecuria pozitive e perfshirjes se mesuesve shqiptare, te cilet tashme kane arritur ne rreth 4000 mesues dhe 1200 shkolla te angazhuara.

U prezantuan perpara pjesemarresve rrjeti i ambasadoreve dhe koordinatoreve, te cilet luajne rol te konsiderueshem ne promovimin e ketij rrjeti dhe mbeshtetjen e mesuesve ne drejtim te perfshirjes se tyre ne partneritete kombetare ose nderkombetare. Njekohesisht ne keto takime u demostruan menyrat si Drejtuesit e shkollave mund te rregjistroheshin ne kete platforme dhe si mund te perdorinin funksionalitete per te evidentuar perfshirjen e mesuesve te tyre ne kete komunitet. Nga ambasadoret e pranishem ne keto takime u mundesua rregjistrimi i tyre ne platformen eTwinning.

Drejtuesit e shkollave diskutuan me pasion rreth aktivitetit te shkollave te tyre, perfshirjen e tyre ne kete komunitet online dhe angazhimin e tyre aktiv ne te ardhmen per te vijuar me nxitjen e pershirjes se mesuesve te tjere ne kete proces. Ata shkembyen eksperienca pozitive ne drejtim te krijimit te politikave ne nivel shkolle per zhvillimin profesional te mesuesve dhe theksuan rolin e madh qe etwinning mund te luaje ne kete drejtim.

 

MED Seminar

Organizimi i MED seminar për herë të parë në Shqipëri, në datat 25-28 Mars, me pjesëmarrjen e mësuesve dhe drejtuesve të Shërbimit Kombëtar të vendeve si Itali, Francë, Portugali, Maltë, Tunizi, Liban, Qipro, Slloveni, Spanjë, vende të Mesdheut. Seminari synoi të ofrojë mënyra bashkëpunuese dhe oportunitete të rinj për mësuesit e vendeve të Mesdheut. Në seminar morren pjesë rreth 80 mësues. Ky aktivitet u organizua në Pogradec.

TTI Initiative

Inisiativa TTI, ne kuadrin e programit eTwinning si pjesë e programit Erasmus+ synon përfshirjen e Inistitucioneve të Arsimit te lartë dhe studentëve të mësuesisë në komunitetin më të madh online të arsimtarëve në nivel ndërkombëtar, në rrjetin eTwinning.

Ky bashkëpunim zgjeron hapësirat e njohjeve reciproke ndërmjet studentëve tanë dhe atyre të Institucioneve të Arsimit të Lartë në nivel europian.

Pikerisht ne kuadrin e kesaj inisiative ky aktivitet synoi promovimin e eTwinning si një komunitet online i cili bashkon gjeneratat e dedikuara fushes se arsimit per te punuar se bashku, per te ndare vlera e eksperienca, per t’u angazhuar ne inisiativa e projekte curriculare.

Fokusi në këtë rast ishin studentët e mësuesisë dhe kjo përkon më së miri me inisiativat që MASR ka ndërmarrë për përmirësimin e cilësisë në sistemin tonë arsimor të lartë. Jo pa qellim ne kete aktivitet u perfshire studentë të mësuesisë që aktualisht ndjekin studimet e larta pranë IAL-ve publike në fushën e mësuesisë ose sapo i kanë përfunduar ato, në degë të ndryshme dhe që janë duke kryer praktikat profesionale pranë shkollave publike.

Seminari TTI u zhvillua në 23 Maj në hotel Plaza në Tiranë.

Në këtë aktivitet u synua njohja me portalin eTwinning, angazhimi drejt proçesit të rregjistrimit te tyre, si nje mundësi e re për ta, për të njohur e ndjerë nga afër:

– eksperiencat pozitive të mësuesve që aktualisht jane në sistem, – mënyren si ata angazhojnë nxënësit e tyre në projekte curriculare,

– përdorimin e mjeteve të teknologjisë së informacionit në fushën e edukimit, si mjete të domosdoshme për zhvillimin e kompetencave të tyre në këtë drejtim

– zhvillimin e kompetencave të duhura në fushën e komunikimit e bashkëpunimit

– zhvillimin më tej të kompetencave në drejtim të ofrimit të mësimit të bazuar në projekte.

Nxitjen e bashkëpunimit rajonal ne programin “eTwinning”

Mësuesit e trevave shqipfolëse janë mbledhur në Tiranë për aktivitetin e organizuar nga Ministria e Arsimit, Sportit dhe Rinisë me temë “All together in eTwinning”. Kjo konferencë dy ditore në 4 dhe 5 Nëntor me mësues nga Italia, Greqia, Kosova, Maqedonia dhe Mali i Zi synoi nxitjen e bashkëpunimit rajonal ne kuadrin e programit “eTwinning”.

Gjatë konferencës të zhvilluar në Tiranë u demonstruan aspektet e ecurisë së këtij programi në Shqipëri si dhe u demonstruan nga mësues të përfshirë eksperiencat pozitive të binjakëzimeve me shkolla partnere në nivel ndërkombëtar.

Gjithashtu pjesëmarrësit u bënë pjesë aktive e dy workshop- eve trajnuese: “Learning through projects and games” dhe “How to improve our teaching by using tools and applications”.

Pjesëmarrësit ndanë eksperienca të mësimdhënies në nivele të ndryshme arsimore dhe nga trevat përkatëse.

Mësuesit pas trajnimit vizituan edhe Parkun Kombëtar të Dajtit si një atraksion i kryeqytetit të Shqipërisë.

• eTwinning suporton iniciativën ‘Move2Learn, Learn2Move’

Me rastin e 30 vjetorit të Erasmus, Komisioni Europian ofron mundësi të reja për të rinjtë për të udhëtuar dhe zbuluar Evropën.

Me këtë nismë të re, të rinjtë e angazhuar në projektet arsimore do të kenë mundësi të udhëtojnë në Europë për të takuar partnerët e tyre evropianë. Pritet që rreth 5000 deri 6000 studentë të marrin secili nga një biletë udhëtimi.

eTwinning ka mundësi të zgjedhë përfituesit e kuponave të udhëtimit, të cilët do të identifikohen nga mësuesit dhe nxënësit e moshës më të madhe se 16 të cilët kanë marrë pjesë në projektet eTwinning dhe kanë fituar këtë vit Etiketën Kombëtare të Cilësisë. Prioritet do t’u jepet projekteve që kanë të bëjnë me temën e “Përfshirjes”.

Aplikimi, vlerësimi, dhe periudha e përzgjedhjes do të zhvillohen gjatë muajit qershor dhe korrik. Mësuesit dhe studentët do të jenë në gjendje të fillojnë udhëtimet në gusht.

• Takime mbreselenes per Drejtuesit e shkollave. Angazhim dhe perkushtim ne nxitjen dhe perfshirjen e mesuesve ne platformen eTwinning dhe School Education Gateway.

Ne kuadrin e planit te aktiviteteve qe Sherbimi Kombetar po ofron, u organizua ne Tirane ne ambjentet e “Sami Frasherit” takimi me Drejtuesit me teme: “eTwinning nje hapesire e re e komunitetit nderkombetar te mesuesve” Ky aktivitet synoi perfshirjen e drejtuesve te shkollave si promotore te pershirjes se shkollave dhe mesuesve te tyre ne platformen eTwinning, si nxites te angazhimit te tyre ne binjakezimin e shkolles ne nivele kombetare dhe nderkombetare. Ne kete takim drejtuesit u sensibilizuan per mundesite qe eTwinning ofron, ecurine e perfshirjes se shkollave ne kete platforme, angazhimet aktuale te mesuesve ne projekte te perbashketa. Gjithashtu per here te pare u prezantua platforma europiane School Education Gateway, ku mesuesit dhe drejtuesit kane mundesi te informohen ne kohe reale ne lidhje me te rejat ne fushen e arsimit, aktivitetet e organizuara ne nivel kombetar dhe nderkombetar ne arsim, trajnime dhe mundesi te zhvillimit profesional te mesuesve. Ne kete takim Drejtuesit debatuan dhe sugjeruan rruge dhe forma nxitese per perfshirjen dhe angazhimin e mesuesve ne programin eTwinning. Ata u informuan edhe per mbeshtetjen qe Sherbimi Kombetar eTwinning do te jape ne drejtim te zhvillimit te metejshem profesional te mesuesve. Gjithashtu ata u informuan per procesin e konkurrimit ne te cilen jane perfshire shkollat per te festuar se bashku diten nderkombetare eTwinning, nepermjet aktiviteteve qe lidhen me diversitetin dhe ndikimin qe teknologjia duhet te jape ne jeten sociale te te rinjve Ne takim moren pjese Drejtues te shkollave te mesme e 9-vjecare nga disa zona si Tirane, Durres, Elbasan, Fier, Vlore, Shkoder e Lezhe.

• Javët eTwinning – Qytetaria Digjitale, #eTwCitizen16

Javët eTwinning të këtij viti, 10-27 tetor, do të përqendrohen në “Qytetarinë Digjitale”- se si eTwinning mund të zhvillojë gjeneratën e ardhshme të qytetarëve aktiv të Evropës.
#eTwCitizen16 do të jetë rreth krijimit të projekteve nga mësuesit rreth temës së qytetarisë digjitale. Kjo fushatë synon angazhimin e mësuesve, nxënësve, anëtareve të sistemit arsimor të gjenerojnë projekt ide që lidhen me Qytetarinë Digjitale, për të qenë pjesë e kompeticionit ndërkombëtar për projekt idetë më të mira. Të gjitha projektet e krijuara si pjesë e fushatës së qytetarisë digjitale do të hyjnë në një konkurs duke përdorur hashtagun #eTwCitizen16 në përshkrimin e tyre të projektit. Themeluesit e projektit fitues, te cillët do të shpallen më 17 nëntor, do të marrin pjesë në një kurs Future Classroom Lab në Bruksel. Merrni pjesë duke regjistruar projekte në platformën www.etwinning.net.

• Minipanairet: “eTwinning – sfidë dhe oportunitet për Qytetarinë Digjitale”

Si pjese e programit eTwinning, Shërbimi Kombëtar eTwinning – Ministria e Arsimit dhe Sportit, do te organizoje ne kater rajone gjeografike Minipanairet me teme: “eTwinning – sfidë dhe oportunitet për Qytetarinë Digjitale”. Ky panair synon te prezantoje angazhimet aktuale te mësuesve te perfshire ne kete program dhe te promovoje njëkohësisht pjesëmarrjen e mësuesve te rinj per te qene pjese aktive e këtij programi. Njekohesisht ky panair do te ofroje mundësinë e regjistrimit online te mësuesve te rinj, te panjohur me pare me platformën eTwinning si dhe trajnimin e tyre duke demonstruar njëkohësisht funksionalitete qe lidhen me dizenjimin dhe implementimin e nje projekti, si dhe funksionalitete me përdorimin e Twinspace si një mjet për komunikim, bashkëpunim dhe ndarje eksperiencash. Koordinimi i Shërbimit Kombëtar për organizimin e këtyre Minipanaireve aktualisht po behet nëpërmjet DAR/ZA, te cilat njoftojnë dhe koordinojnë shkollat për pjesëmarrje. Shërbimi Kombëtar përzgjedh nga platforma listën e mësuesve qe mund te demonstrojnë aktivitetin e tyre ne Minipanair. Mësuesit e kësaj liste janë mësues te cilët kane rezultuar aktive ne platformën eTwinning dhe realisht kane mundësinë e paraqitjes se projekteve te realizuar për kompeticionin rajonal qe do te jete pjese e këtij Minipanairi. DAR/ZA koordinon veprimet me shkollat përkatëse te këtyre mësuesve për te krijuar lehtësirat e përgatitjes për t’u paraqitur ne këtë Minipanair. Shërbimi kombëtar me shpenzimet e tij do te garantoje ambientin e panairit, hapësirat e promovimit brenda këtij ambienti (tavolina), dhe disa mjete prezantuese si fletëpalosje, stilolapsa, rollup, poster dhe kalendarë. Shkollat e këtyre mësuesve, vet ne varësi te projekteve qe duan te paraqesin te mundësojnë paraqitjen dinjitoze ne ketë panair. Secili nga këta mësues do te ketë hapësirën e tij dhe mund te marre një partner ne projekt dhe te paktën 2 nxënës. Mësuesit duhet te paraqesin projektet e tyre ne formën e prezantimeve ne Power Point ne tablet ose laptop si dhe me foto, postera, fletëpalosje, ose objekte te tjera. Panairi vizitohet nga mësues e nxënës te tjerë te cilët do te kenë mundësi te votojnë tre projektet me te mira ne nivel rajonal.