Projektvendim “Për miratimin e Planit të Veprimit të Arsimit Digjital 2025-2030 duke përfshirë standardet për arritjen e kompetencës digjitale”

Projektvendimi “Për miratimin e Planit të Veprimit të Arsimit Digjital 2025-2030 duke përfshirë standardet për arritjen e kompetencës digjitale”, propozohet nga Ministria e Arsimit dhe Sportit (MAS) si një dokument politik i qeverisë shqiptare, e cila i kushton vëmendje të veçantë zhvillimit të arsimit digjital, si një e drejtë themelore kushtetuese dhe përgjegjësi publike, nëpërmjet të cilës synohet të krijohen, zhvillohen dhe të mbrohen dijet përmes mësimdhënies, kërkimit shkencor, formimit të specialistëve të lartë dhe të shkencëtarëve të rinj, në përputhje me prioritetet e zhvillimit të vendit, duke kontribuar në rritjen e standardeve të demokracisë në vend.