THIRRJE PËR PJESËMARRJE NË SEMINARIN MBARËKOMBËTAR PËR MËSIMIN PLOTËSUES NË GJUHËN SHQIPE NË DIASPORË “SHKODRA 2016”

Ministria e Arsimit, Shkencës dhe Teknologjisë (MASHT) e Kosovës, në bashkëpunim me Ministrinë e Arsimit dhe  Sportit (MAS) të Shqipërisë, do të organizojnë seminarin XII mbarëkombëtar për mësimin plotësues të gjuhës shqipe në diasporë “Shkodra 2016”.

Duke u mbështetur në kalendarët shkollorë të shteteve të ndryshme dhe për të mundësuar pjesëmarrje të gjerë të mësuesve të diasporës, është menduar që seminari i këtij viti t’i zhvillojë punimet në datat 01-04 gusht 2016, në qytetin e Shkodrës.

Në seminar do të marrin pjesë ligjërues shqiptarë, punonjës shkencorë, specialistë dhe ekspertë të arsimit, titullarë dhe zyrtarë shteti, si dhe një ligjërues i huaj nga qarqet përkatëse profesionale të ndonjërit prej shteteve ku zhvillohet mësimi shqip.

Pjesën tjetër, me shumë interes, do ta përbëjnë prezantimet-ligjëratat profesionale të vetë mësuesve, që do të sjellin përvojat personale, të ndërtuara mbi baza kërkimore-hulumtuese dhe empirike. Kësisoj, parapëlqehen tema me përvoja konkrete që reflektojnë dobi dhe  interes profesional.

TEMATIKA E PUNIMEVE DO TË JETË RRETH FUSHAVE:

• Gjuhë dhe letërsi shqipe
• Histori dhe gjeografi
• Trashëgimi kulturore dhe artistike
• Metodologji të mësimdhënies dhe teoritë e të nxënit
• Zhvillimi profesional i mësuesit

DËRGIMI I PUNIMIT TË PROPOZUAR

Për të dërguar punimin tuaj për seminarin (bashkëlidhur fletëparaqitjes):

FLETËPARAQITJE PËR PJESËMARRJE NË SEMINARIN  XII MBARËKOMBËTAR PËR MËSIMIN PLOTËSUES NË GJUHËN SHQIPE NË DIASPORË “SHKODRA 2016”

Dërgoni me e-mail, bashkëlidhur me fletëparaqitjen në adresat :

 nuhi.gashi@rks-gov.net    (tel.+37744830041) dhe

 Anila.Ferizaj@arsimi.gov.al (tel: 00355692649859)

• Fushën e propozuar (zgjidhni një nga fushat  e mësipërme);
• Titullin e propozuar;
• Abstraktin, maksimumi 250 fjalë.
• Prezantimet nuk duhet të zgjasin më shumë se 30 minuta.
• Punimet të jenë 4000 – 7000 fjalë, madhësi germe 12, Times New Roman, hapësirë 1.5, në gjuhën shqipe, si dhe të përdoret stili APA i citimit dhe i bibliografisë.
• Marrja e materialeve tuaja do të njoftohet me e-mail brenda 48 orëve.
• Afati për konfirmimin e paraqitjes me prezantime/kumtesa është deri më  datë 15 qershor  2016.

TË TJERA

• Një pjesë e seminarit do të  zhvillohet  në grupe pune tematike më të vogla (punëtori-workshope), ndaj janë të mirëpritura edhe propozime për aktivitete të ndryshme.
• Brenda datës 01 qershor  2016, të paraqiten edhe propozimet për promovime krijimesh autoriale në fushat me interes didaktik; tekste e mjete mësimore, materiale e produkte të tjera konkrete me interes mësimor etj.
• Deri më datën 01 korrik 2016, do t’ju dërgojmë programin e plotë të seminarit.
• Sikurse në seminaret e mëparshme, edhe këtë vit shpenzimet e qëndrimit dhe të transportit (nga Tirana dhe nga Prishtina për në Shkodër ) i mbulojnë ministritë përkatëse.
• Organet e pushtetit vendor dhe Drejtoria Arsimore Rajonale e qytetit të Shkodrës do të mundësojnë që pjesëmarrësit në seminar të njihen me kulturën, historinë dhe traditat e lashta të këtij rrethi.

Në sirtar/Attach/ do të gjeni fletën përkatëse të paraqitjes-konfirmimit të pjesëmarrjes në seminarin “Shkodra 2016”, të cilën, pasi ta keni plotësuar, e dërgoni në adresat:

nuhi.gashi@rks-gov.net (tel.+37744830041) dhe

Anila.Ferizaj@arsimi.gov.al (tel: 00355692649859)

Luteni që pjesëmarrjen tuaj ta konfirmoni brenda datës 01 qershor 2016.