DAR Berat prezanton “Shkollën si Qendër Komunitare” në “Expo 2015”

Drejtoria Arsimore Berat në bashkëpunim me Drejtorinë Arsimore të Lombardisë në Milano, prezantoi në Panairin Ndërkombëtar “Ekspo 2015”, në Milano të Italisë, aktivitetet e kryera në kuadër të projektit “Shkolla si Qendër Komunitare”.

Veprimtaria e DAR Berat u zhvillua në datat 4-7 Tetor 2015 dhe pjesë e saj ishte edhe prezantimi i projektit  “Radio Green Albania”.

Falë takimit që drejtues të DAR Berat realizuan në prill 2014-të pranë DAR-it të Lombardisë në Milano, disa nxënës fituan mundësinë që të përfaqësoheshin në Panairin “Ekspo 2015”, ku Berati pati stendën e tij të përfaqësimit, pranë strukturave të prezantimit të projekteve të shkollave italiane.

Drejtoria Arsimore e Beratit, është në përpjekje të vazhdueshme për krijimin e bashkëpunimeve me çdo institucion tjetër, arsimor ose jo, i cili mund të shërbej në rritjen e cilësisë në arsim dhe përcjelljen e kulturës dhe traditave tona edhe përtej kufijve.