Ministrja Shahini për maturantët: “Platforma Akademi.al, qindra video të reja me zgjidhje detyrash për Maturën Shtetërore”

Përmes një postimi në rrjetin e saj social, Ministrja e Arsimit, Sportit dhe Rinisë (MASR) Znj. Besa Shahini ka dhënë një informacion të rëndësishëm përsa i përket videove mësimore për Maturën Shtetërore të regjistruara tashmë nga platforma “Akademi.al”.

Postimi i plotë i Ministres Shahini:

“Të dashur maturantë,

Akademi.al, në bashkëpunim me MASR dhe UNICEF, kanë regjistruar qindra video të reja me zgjidhje detyrash për Maturën Shtetërore në lëndët e shkencave dhe gjuhëve. Ato do të transmetohen në RTSH çdo ditë nga ora 13:30 apo mund t’i aksesoni edhe tek platforma akademi.al.

Suksese!”

Platforma “Akademi.al” është një platformë edukative në shqip që ofron mësimdhënie online, tashmë një partner i rëndësishëm i MASR që prej nisjes së mësimit në kushte shtëpie për nxënësit tanë.